Этнаграфічны куток

Даследаванне побытавай культуры адкрывае невядомы свет народнага ўяўлення. У “Этнаграфічным кутку” размешчаны прылады працы, рэчы, якімі карысталіся нашы продкі і часам карыстаемся мы ў нашы дні. Немагчыма было ўявіць працу жанчыны без калаўрота ці ткацкага станка, а работу мужчыны без касы або сякеры. Амаль усе экспанаты, прадстаўленыя ў этнаграфічным кутку, выраблены ўручную і яскрава дэманструюць умельства нашых продкаў, расказваюць, як жылі нашы дзяды, чым займаліся.