У Яхімоўшчыне

Вучні і настаўнікі ДУА “Залеская сярэдняя школа Вілейскага раёна” наведалі філіял Дзяржаўнага літаратурнага музея Янкі Купалы “Яхімоўшчына”.

З 1906 па 1907 гады паэт працаваў памочнікам вінакура на бровары ў пана Любанскага. На месцы былой летняй кухні пана створана музейная экспазіцыя, галоўная ідэя якой - “паказаць нараджэнне нацыянальнага паэта ў асобе Янкі Купалы ў пэўную эпоху”. У экспазіцыі прадстаўлены вершы, напісаныя класікам на польскай мове, гаспадарчыя рэчы 19-п.20 стст.

Экскурсія пакінула прыемныя ўражанні. Яна будзе карысна тым, хто цiкавіцца нашай гiсторыяй, духоўнай спадчынай Беларусi.